IRIGACIO ( Tankao )
Eŭfrata river’!
Sumero, Babilono
Kulturkojnskribo
Akvumi sekan grundon!
Plugi, semi, kalkuli.
Irigacio!
Salto al civilaci’
Agrikulturas –
Rikoltoj kreskas ĝis la
Mara salo invadas!
Pli da nutraĵoj
Pli da bestoj kaj homoj
Novaj homleĝoj
Kreska komerca lert’ sed
Venis latenta falo!
La salŝtoneroj
De intaj oceanoj
Kuŝis malice
Dezertigi la kampojn
De sensciuloj.
Irigacio!
Ĉu bona progresilo?
Aŭ dependiga
Kaŝa progreskaptilo
De sataj homamasoj?