LUTRO ROLMODELO

Lutro de indiĝena popolo, avataro,

Instruanto de virtoj por vilaĝa idaro,

Pri ecoj inaj kaj viraj por pariĝoj belaj,

La glatajn korpajn atentu, movoj instrucelaj.

Ĝoje ludas pare lutroj akve, aere, grunde,

Glitas ili gracie kun familio garde.

Lutroj prizorgeme, atente, ame gepatras,

Kvankam age ĉio ŝajne tohuvabohuas.

Lutro estas personigo de multitaskado.

Lutro  estas mentoro de movema vartado.

Lutro aventurema, respondeca estulo,

Longa, fleksebla, enketema vivulo.

Lutro korpe kaj spirite diras optimismu,

Komunuman la vivadon pace kunpartumu.

Balancu psikan sangon, estantas la libido.

Glorigu atingojn aliulajn por la tribo.

Faru vi tiel kaj lerte via vivo lutros,

Sekve je via universo malmulto putros.